يرحم امك يازمان الحب جود ..!!

من طرف **john cena** الأحد يناير 13, 2008 4:23 am

.
.

خاطره اعجبتني حد الألم ..

.
.

يرحم امك يازمان الحب جود

لو دقيقه .. بس من شاني تعود

خلني ارجع مثل ماكنت ليله

طيب وصادق حنون

ماابي مثله اخون

رجعيني ياليالي الشوق تكفي

رجعيلي ذكرياتي

مثل ماكانت حياتي

قبل اشوفه

قبل دمعي ماعرف يحضن كفوفه

ماني متخيل خفوقي .. كيف صار ابيوم قاسي

خايف احساسي يموت ابوقتها .. ويطيح راسي

ياخفوقه

كان باقي شي من حبه وشوقه

خله يبعد عن عيوني

خله يبعد عن عيوني

او يجي ليله يشوف .. كيف صار اليوم لوني

صرت تائه ماني عارف وين اروح

كل مالديت وجهي .. مااشوف الا الجروح

يرحم امك وش تبي ثاني دخيلك

يعني ماكفــّـاك تجرح .. !! والا طبعك لاجرحت انسان تفرح .. !!

والله اني ماخبرتك حيل قاسي

بس مدري وش تغير.. صرت للاشواق ناسي

اذكر اني يوم حبيتك وجيتك

يوم كان القلب بيتك

كنت طيب

كنت غير الناس هاذي

قلب نصفه يابعدهم .. يكسي الدنيا عذوبه

ونصفه الآخر حبيبي .. يلبس الاحساس ثوبه

والاّ روحك .. لو سرت في كل خلق الله وسارت

كان والله ماتشوف الحزن بالارواح .. ساكن

كنت ماتلقى احد يسمع لابو نوره الاماكن

هاذي روحك .. كيف لو بوصف حلاتك

تصغر احروفي وربي ياغلاتك

ااه ياني متعب الليله حبيبي

صرت ضايع بين هجرانك ونارك

كل ليله يحتريني الهم جالس .. عند دارك

وانت والله ماسألت ولاشقيت

صرت اشك انك حبيبي .. وانك ابليله هويت

ياحياتي والا مدري ياحياته ..

جيتك الليله وقلبي .. غاسلن منــّــك يدينه

والغرام اللي جمعنا .. تحت ظل الياسمينه

مابقى منــّـه حبيبي اي شي

غير مجموعة رسايل

فيها شوق الحبر سايل

وشي من بعض الهدايا

ورده حمراء .. عطر صاخب .. سهم شق القلب شوقه .. لين وصـّـل للحنايا

والخواطر ...

والقصيد اللي نطرك اترد باكر

والحنين اللي ذبح قلبي وسمــّــه

والطعون اللي جرت في وسط دمه

والاماني والوعود ..

والفرح .. اللي تركني .. وحالف انه مايعود

كلها تبكي عليك

وانت لاهي وش عليك ..!!

يرحم امك ... مابقى لي غير كلمه ..

ودي اهمسها وروح

باكر تذوق الجروح

باكر تذوق الجروح

.
.